ტასმანიიდან წამოსულმა, კუპერმა თითქმის მთელი წელი მოგზაურობაში გაატარა – ცენტრალური აზიის გზებით, ევროპული ქალაქებით, დროებითი გაჩერებებით. ზამთარი ახლოვდებოდა და ამჯერად უბრალოდ ახალი მიმართულება აღარ უნდოდა. ეძებდა ადგილს, სადაც ცოტა ხნით გაჩერდებოდა, იმუშავებდა და ადგილობრივ კულტურას გაეცნობოდა.
საქართველოზე მეგობრებისგან გაიგო. შემდეგ იყოს ძიება Google Maps-ზე, რამდენიმე გაგზავნილი წერილი და ერთი პასუხი, რომელმაც მიმართულება შეცვალა. გუდაურში Khada Hostel-ს ადამიანი სჭირდებოდა.
დღეს კუპერი Khada Hostel-ის გუნდის წევრია. აქ დღეები მთებით იწყება, ადამიანებით გრძელდება და საერთო ისტორიებით სრულდება. ჰოსტელი მისთვის მხოლოდ სამუშაო სივრცე არ არის – ეს არის ადგილი, სადაც სტუმრები ერთმანეთს ხვდებიან, საუბრობენ, ერთად სრიალებენ და საქართველოს ეცნობიან.
მთაში ცხოვრება თავის რიტმს გაძლევს. როცა საბაგიროები რამდენიმე წუთის სავალზეა, როცა ყოველდღე ახალ ადამიანებს ხვდები და როცა იცი, რომ გვერდით გუნდი გყავს, რომელიც ზუსტად ისე ზრუნავს სივრცეზე, როგორც შენ – ყველაფერი თავის ადგილს პოულობს.
კუპერის ისტორია არ არის წინასწარ დაგეგმილი გზა. ეს არის მოგზაურობა, რომელმაც გაჩერება იპოვა. ადგილი, სადაც უცხო ქვეყანა ნაცნობად იქცა და დროებითი გადაწყვეტილება ყოველდღიურ ცხოვრებად გადაიზარდა.
ზუსტად ასეთ მომენტებში იბადება ის კავშირი, რომლის გამოც ადამიანები ბრუნდებიან.
და სწორედ ამიტომ ამბობს Landmarker Group, რომ ადამიანები და ადგილები ერთმანეთთან მაშინ მართლაც ერთიანდებიან, როცა ისტორია თავისით იწყება.
